La Goccia Briantea

Home Varie Pescà nella memoria
Pescà nella memoria PDF Stampa E-mail
Lunedì 30 Aprile 2012 00:00

Pescà nella memoriaMe pias de tant in tant

pescà ne la memoria,

ien propi emuzion grand

riviv la nosta storia.

Me par de sfuià un album

de fotu un po’ ingialdìi,

me par de vedè un film

senza culur, sbiavìi.

Regordi i de dè fésta

quant s’evi piscinìna,

scarpet a la bebè

de lana la vestina.

Ai dès de la matina

in gésa, in som, cui Suori,

dopu mangiàa a dutrina

pö töc a l’uratóri.

In setimana inveci,

cunt ul scusàa de scöla

‘na incùntra a la maestra

per purtach la cartéla.

Cunt i cumpagn de clas

fermàs a sgiugatà

pasava tüta bas

prem de ruà a cà.

Pö l’è vegnü la guéra,

l’è própi stada dura,

mangiavem pòm de téra

pan negher de mistüra.

Regordi la mia mam

insèm a di so amis

nà in trenu nel pavés

per tö de sfrós ul ris.

In tanti di nos cà

parent o amis sfulàa,

gent ch’à duvü scapà

per mia ves bumbardàa.

Ma nögn sèvem bagai

pensavem a giugà

ai grand tucava i guai

gh’éva negot de fà.Panorama resegone

 

In Calendario

Febbraio 2019
D L M M G V S
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 1 2

Lago di Pusiano, ristoranti, hotel, B&B, informazioni turistiche

Il portale del Lago di Pusiano:
Informazioni turistiche, ristoranti, hotel, bed and breakfast, arte, cultura, sport, natura, eventi ... e molto altro ancora